Gair o Groeso gan y Prifathro

Rydym ni'n falch eich bod yn ystyried astudio yng Ngholeg Abertawe a byw yn ninas groesawgar a hardd Abertawe. Gallwch chi fod yn sicr o gyrsiau o ansawdd uchel a chymorth myfyrwyr ardderchog o'r eiliad rydych chi'n gwneud cais.

Trwy ddewis Coleg Abertawe, rwy'n gwybod y cewch chi'r cyfle gorau i lwyddo ar y cwrs o'ch dewis. Mae rhai o'n cyrsiau'n unigryw i Abertawe, ac yn denu myfyrwyr o sawl rhan o'r DU a thramor. Byddwch yn falch i wybod y byddwch chi'n dewis amgylchedd dysgu diogel hefyd wrth ddewis Coleg Abertawe.

Mae gennym gysylltiadau ardderchog â phrifysgolion, felly mae gan fyfyrwyr Coleg Abertawe gyfleoedd gwych i symud ymlaen i gyrsiau Addysg Uwch (AU). Ar y llaw arall, efallai y byddwch chi am aros yng Ngholeg Abertawe, a dechrau cwrs lefel uwch, cyn symud ymlaen. Mae'r dewisiadau'n ddiddiwedd.

Yr hyn sydd gennym i'w gynnig yw addysgu o safon, cyfleusterau o'r radd flaenaf a lleoliad sydd cystal ag unrhyw ddarparwr addysg bellach arall yn y DU.

Gobeithio y byddwch chi'n ystyried Coleg Abertawe fel eich llwybr nesaf i lwyddiant!

Jeff Gunningham
Prifathro a Phrif Weithredwr